म बलिउडमा पैसा कमाउन आएको हुँ : अक्षय कुमार

सेयर गर्नुहोस्

काठमाडौं,साउन ६- बलिउड अभिनेता अक्षय कुमार वर्षमा ५-६ वटा फिल्म खेल्छन् । कुनै समय मार्सल आर्टबाट बलिउड छिरेका अक्षय आज बलिउडका गनिने मानिने अभिनेता हुन् । वर्षको करोडौं कमाउने अभिनेताको लाइन पनि स्पष्ट छ । उनी कम मार्जीन राखेर धेरै फिल्म खेल्छन् र करोडौं कमाउछन् । हालै अक्षयले आफू बलिउडमा पैसा कमाउन आएको बताएका छन् । अक्षय कुमार भन्छन्, ‘म इन्डस्ट्रीमा पैसा कमाउन आएको हुँ । मेरो ध्यान एकदम स्पष्ट छ।’ अक्षय कुमारले आफ्नो फिल्म करियर अघि रेस्टुरेन्टमा वेटर र शेफको रूपमा काम गरे। यस बाहेक अक्षय कुमार मार्सल आर्टका प्रशिक्षक पनि थिए। १९९० को दशकमा अक्षय कुमारले धेरै एक्सन फिल्महरूमा अभिनय गरेका थिए जसमा उनले आफैँले आफ्नो खतरनाक स्टन्टहरू गरे। अभिनेता सनी देवल बिमारी भएका कारण अक्षय कुमारले मुम्बईमा आलिशान बङ्गला किन्न सकेका थिए । निर्देशक राजकुमार कोहलीको फिल्म ‘जानी दुश्मनः एक अनोखी कहानी’ (२००२) मा खलनायकले अक्षयको क्यारेक्टरलाई मार्ने थियो । तर सनी देवल न्यूयोर्कमा रहेकाले अक्षयले थप पाँच दिन काम गरेँ। यही पैसाले अक्षयले मुम्बईमा आलीशान बङ्गला किने ।
उनी भन्छन् ,’ आज जुन बङ्गलामा म बसिरहेको छु त्यो किन्न पैसा चाहिएको थियो । र जानी दुश्मनको कारण मैले त्यो किन्न सकेँ ।’ अक्षय कुमार मुम्बईको जुहू बिचमा १२८ करोड नेपाली रुपैयाँको प्राइम बीच बङ्गलामा बस्छन् । घरको पुरै इन्टेरियर अक्षय कुमारकी श्रीमती र अभिनेत्री ट्व‍िंकल खन्नाले गरेकी छन् ।