काठमाडौं,पुस ३० – माघ २ गते हुने मधेस प्रदेशसभाको सभामुखको लागि दुई जनाले उम्मेदवारी दर्ता गराएका छन् । प्रदेशको प्रदेश सभाको दोस्रो कार्यकालका लागि सत्ता गठबन्धनको तर्फबाट प्रदेशसभा सदस्य रामचन्द्र मण्डल र नेपाली काँग्रेसको तर्फबाट जंगीलाल रायले उम्मेदवारी दर्ता गराएको मधेस प्रदेशसभाको प्रदेशसभा सचिव रञ्जित कुमार यादवले जानकारी दिएका हुन् । नेपालको संविधानले प्रदेश सभाको पहिलो बैठक प्रारम्भ भएको १५ दिनभित्रमा प्रदेश सभामुखको निर्वाचन गर्नुपर्ने व्यवस्था गरेअनुसार प्रदेश सभा सचिवालयले शनिवार(आज) प्रदेश सभामुखका लागि मनोनयन दर्ताको मिति तय गरेको थियो । त्यसै गरी माघ २ गते १ बजे निर्वाचन गर्ने गरी निर्वाचन कार्यक्रम तालिका बनाइएको प्रदेश सभा सचिवालयले सार्वजनिक गरेको सूचनामा उल्लेख छ ।
प्रदेशसभा सदस्य भरत प्रसाद साह प्रस्ताव भई सरोजकुमार यादव, रामअशिष यादव र महेश प्रसाद यादवको समर्थनमा मण्डलले उम्मेदवारी दर्ता गराएका छन् भने कुमरकान्त झा प्रस्तावक भई जिवछी कुमारी यादवको समर्थनमा रायले उम्मेदवारी दर्ता गराएका छन् । स्वतन्त्र सांसद सुरिता साह र अनिरुद्ध प्रसाद सिंह यादव गरी कुल ७२ प्रदेशसभा सदस्यको साथ रहेको देखिन्छ भने सर्लाही २(१) बाट निर्वाचित रायको पक्षमा २९ जना प्रदेशसभा सदस्य देखिन्छन् ।
